Orkustofnun hefur á þessu ári greitt ráðgjafarfyrirtækinu Langbrók rúmar 5,7 milljónir króna vegna aðkeyptrar þjónustu.

Í svari Orkustofnunar við fyrirspurn Morgunblaðsins um greiðslurnar kemur fram að stofnunin hafi fyrr á þessu ári gert verktakasamning við Langbrók sem hefur nú það hlutverk að sinna samskiptamálum fyrir Orkustofnun. Enginn samskiptastjóri sé fastráðinn við störf hjá stofnuninni enda standi til að sameina hana Umhverfisstofnun. Fulltrúi Langbrókar sinnir því samskiptamálum og er á lista yfir starfsmenn stofnunarinnar á vef Orkustofnunar. 

Frétt af mbl.is

Efast um hæfi Orkustofnunar vegna ummæla Höllu

Þá hafi Langbrók einnig aðstoðað við undirbúning ársfundar og önnur tilfallandi verkefni. Um 40 manns starfa hjá Orkustofnun samkvæmt vef stofnunarinnar.

Frétt af mbl.is

Samfylkingin styður aukna orkuöflun

Fréttin hefur verið uppfærð með upplýsingum um að starfsmaður á vegum ráðgjafafyrirtækisins sinni nú samskiptamálum fyrir Orkustofnun.