Borgarlínan | 1. febrúar 2024
Fossvogsbrú boðin út í vor og sumar
Undirbúningur fyrir útboð á Fossvogsbrú er langt á veg kominn en tvö útboð eru í undirbúningi, annars vegar fyrir fyllingar og hins vegar fyrir smíði brúarinnar.
Fossvogsbrú boðin út í vor og sumar
Borgarlínan | 1. febrúar 2024
Setja bókamerki
Undirbúningur fyrir útboð á Fossvogsbrú er langt á veg kominn en tvö útboð eru í undirbúningi, annars vegar fyrir fyllingar og hins vegar fyrir smíði brúarinnar.
Undirbúningur fyrir útboð á Fossvogsbrú er langt á veg kominn en tvö útboð eru í undirbúningi, annars vegar fyrir fyllingar og hins vegar fyrir smíði brúarinnar.
Brúin, sem hefur fengið nafnið Alda, var til kynningar hjá umhverfis- og skipulagsráði Reykjavíkurborgar í morgun.
Alda er ætluð gangandi og hjólandi vegfarendum, ásamt því að vera lykillinn að leið borgarlínunnar yfir Fossvog.
Þetta kemur fram í tilkynningu frá Reykjavíkurborg.
270 metra löng
Áætlað er að fyllingar verði boðnar út með vorinu og verða fyllingar í Skerjafirði hluti af því útboði.
Útboð á smíði brúarinnar og landmótun er þá fyrirhugað um mitt sumar. Gert er ráð fyrir 900 tonnum af stáli í yfirbyggingu brúarinnar sem verður í fimm höfum með steyptu brúargólfi. Gert er ráð fyrir að stórar forsmíðaðar einingar verði notaðar í stöpla og yfirbyggingu. Brúin verður 270 m að lengd.
Taka þarf sérstakt tillit til starfsemi Reykjavíkurflugvallar í báðum útboðum og þau áhrif sem flugumferð hefur á framkvæmdir við fyllingar og byggingu brúarinnar.
Hluti af Samgöngusáttmála
Áætlað er að vinna við landfyllingar hefjist í sumar og að byrjað verði á Kársnesi. Í byrjun næsta árs er svo áætlað að hefja vinnu við brúargerðina sjálfa sem og landfyllingar Reykjavíkurmegin. Fyrirhugað er að hefja vinnu við landfyllingar í Skerjafirði árið 2026.
Hönnun Öldu hefur verið frá árinu 2022 unnin af verkfræðistofunni EFLU fyrir borgarlínuna í samstarfi við Verkefnastofu borgarlínunnar, Vegagerðina, Reykjavíkurborg og Kópavogsbæ.
Fossvogsbrú er hluti af verkefnum sem heyra undir Samgöngusáttmála höfuðborgarsvæðisins sem gerður var á milli ríkisins og sveitarfélaganna sex á höfuðborgarsvæðinu árið 2019.
Áætlaður kostnaður við brúna eru 6,7 milljarðar króna. Áætlaður kostnaður við landmótun og yfirborðsfrágang er 2,1 milljarður króna. Áætluð verklok eru á árinu 2027.
Breytir útivistarmöguleikum
Í tilkynningu borgarinnar segir að með borgarlínunni verði til nýtt almenningssamgöngukerfi sem bindi borgina og nágrannasveitarfélög betur saman, með betri lífsgæðum og einfaldara lífi fyrir borgarbúa.
„Með henni styrkjum við innviði, gerum góða borg ennþá betri og tökum nauðsynleg skref í loftslagsmálum og í átt að betri lýðheilsu.
Auk þess að vera mikilvæg samgöngutenging breyti brúin útivistarmöguleikum á svæðinu því göngustígurinn austan á brúnni bindi saman fimm kílómetra göngu- og hlaupaleið um Fossvoginn.
Þaðan sé fallegt útsýni yfir fjölbreytt útivistarsvæði og strandlengju Fossvogs. Af áningarstöðum við göngustíginn á brúnni sé einnig ágætt útsýni til vesturs út Skerjafjörð.
Borgarlínan á vef Reykjavíkurborgar
/frimg/1/41/52/1415231.jpg)
/frimg/1/45/90/1459037.jpg)
