„Ég tel mig hafa góða reynslu og ég hef líka þekkinguna og kunnáttuna sem þarf til þess að sinna þessu starfi,“ sagði Þorvaldur Örlygsson, frambjóðandi til formanns Knattspyrnusambands Íslands, í Dagmálum.
„Ég tel mig hafa góða reynslu og ég hef líka þekkinguna og kunnáttuna sem þarf til þess að sinna þessu starfi,“ sagði Þorvaldur Örlygsson, frambjóðandi til formanns Knattspyrnusambands Íslands, í Dagmálum.
„Ég tel mig hafa góða reynslu og ég hef líka þekkinguna og kunnáttuna sem þarf til þess að sinna þessu starfi,“ sagði Þorvaldur Örlygsson, frambjóðandi til formanns Knattspyrnusambands Íslands, í Dagmálum.
Þorvaldur, sem er 57 ára gamall, er einn þeirra þriggja sem gefur kost á sér í formannsembættið ásamt þeim Guðna Bergssyni og Vigni Má Þormóðssyni.
Þorvaldur er fyrrverandi atvinnu- og landsliðsmaður í knattspyrnu og þá hefur hann einnig þjálfað KA, Fjarðabyggð, Fram, ÍA, HK, Keflavík og U19-ára landslið Íslands á ferlinum en hann er í dag rekstrarstjóri knattspyrnudeildar Stjörnunnar.
„Það er ekki sjálfsagður hlutur að fólk bjóði sig fram í embættið í dag,“ sagði Þorvaldur.
„Þetta er stórt starf og ábyrgðarfullt og ég heyrði í mörgum innan hreyfingarinnar, áður en ég ákvað að gefa kost á mér, og það var verið að ýta á mig að bjóða mig fram. Eftir að ég ræddi við fjölskyldu mína ákvað ég að gefa kost á mér.
Ég hef unnið innan sambandsins og í hreyfingunni líka í langan tíma. Hreyfingin er stór og fjölbreytt í dag. Það er ýmislegt sem þarf að gera og breyta að mínu mati og ég býð mig fram til þess,“ sagði Þorvaldur meðal annars.
Viðtalið við Þorvald í heild sinni má nálgast með því að smella hér eða á hlekkinn hér fyrir ofan.