Katrín Jakobsdóttir forsetaframbjóðandi og Gunnar Sigvaldason, eiginmaður hennar, buðu í fjölskyldukaffi á Sjálandi í Garðabæ í gærmorgun.

Í tilkynningu segir að gestir voru ríflega 600 og mikil gleði ríkti.

Katrín flutti ávarp, Grétar Örvarsson tók lagið og börnin fengu blöðrur.

„Frábær skemmtun í Sjálandi í dag [laugardag] þar sem komust færri að en vildu. Ræddi þau gildi sem ég vil setja á oddinn; lýðræði, mannréttindi, jafnrétti og frið. Ræddi líka stöðu íslenskrar tungu, menningar og sögu og mikilvægi þess að forseti beiti sér fyrir samheldni og trausti í samfélaginu. Takk fyrir komuna og góðar móttökur, við hlökkum til komandi viku!“ er haft eftir Katrínu.