Talið að breskri stúlku hafi verið rænt í Portúgal

Mikil leit stendur nú yfir að þriggja ára breskri stúlku sem hvarf úr sumarleyfisíbúð í þorpinu Praia Da Luz í Portúgal í gærkvöldi þar sem hún dvaldi ásamt foreldrum sínum, talið er víst að henni hafi verið rænt. Foreldrar stúlkunnar fóru á veitingastað nærri íbúðinni, en þegar þau fóru til að líta eftir henni klukkan tíu hafði svefnherbergisgluggi íbúðarinnar verið spenntur upp og var dóttirin horfin.

Lögregla, starfsfólk á svæðinu og ferðamenn eyddu mestum hluta síðustu nætur í að leita að stúlkunni með aðstoð hunda, en enn hefur ekkert til hennar spurst.

Foreldrarnir skildu börn sín, stúlkuna og tveggja ára tvíbura eftir sofandi í íbúðinni og fóru út að borða, en skiptust á að fara í íbúðina og líta eftir börnunum.

• 2 blogg um fréttina

Bloggað um fréttina

• Salvör Kristjana Gissurardóttir: Guð launar þeim sem barnsins gætir
• Jenný Anna Baldursdóttir: SUMIR EIGA EKKI AÐ HAFA BÖRN