Obama harmar ummæli sín

Barack Obama.
Barack Obama. AP

Barack Obama, sem sækist eftir útnefningu sem forsetaefni bandaríska Demókrataflokksins segist harma ummæli sín um verkalýðsfólk, sem hann sagði vera biturt, ganga um með byssur og vera fast í klóm trúar.  Þetta kemur fram á fréttavef BBC.

Obama segist nú hafa átt að hugsa orð sín betur, en umdeildu ummælin lét hann falla á fjáröflunarsamkomu í San Francisco síðastliðinn sunnudag.  Obama uppskar mikla gagnrýni frá keppinaut sínum, Hillary Clinton, og John McCain, forsetaefni Repúblikanaflokksins.

Obama var sakaður um að tala niður til kjósenda í smábæjum í Bandaríkjunum, eftir að ummæli hans á samkomunni voru sýnd á myndbandi.  Þar sagðist Obama skilja reiði íbúa í samfélögum sem eiga við fjárhagserfiðleika að stríða.  Obama sagði að í mörgum smábæjum í Pennsylvaníu og Mið-vesturríkjunum hafi íbúar misst atvinnu sínu fyrir 25 árum síðan og að ekkert hafi komið í stað þeirra.  „Það er því ekki skrítið að íbúar bæjanna upplifi beiskju, þeir halda í byssur eða trú, og hafa óbeit á þeim sem eru ekki eins og þeir, eru á móti innflytjendum, en það er leið þeirra til þess að tjá vonbrigði sín," sagði Obama.
 
Hillary Clinton sagði að kjósendur í Pennsylvaníu þurfi ekki á forseta að halda sem líti niður á þá. Prófkjör demókrata verður haldið í Pennsylvaníu þann 22.apríl.

mbl.is
Vantar gæslu fyrir kisu/kisann?
www.kattholt.is rekur hótel fyrir kisu/kisann. kattholt@kattholt.is // s;567 ...
Sjónvarpsskeinkur úr eik
Til sölu vel með farinn sjónvarpsskeinkur úr eik. L:240, D:58, H:53 Verð 20 þús....
Eyjasól sumarhús, lausar helgar..
Dagar í hlýjum og góðum sumarh. Rúm fyrir 5-6. Leiksvæði. Stutt að Geysi, Gullfo...
Bátavélar 58 hp með gír
Eigum á á lager , góðar vélar 58 hp (43,3 kw) með gír og mælaborði og tilheyrand...