Handtökur vegna gleðigöngu í Moskvu

Lögregla handtekur Nikolai Alexejev, forsprakka göngunnar.
Lögregla handtekur Nikolai Alexejev, forsprakka göngunnar. Reuters

Lögregla í Moskvu handtók um það bil tvo tugi manna, sem fóru í gleðigöngu samkynhneigðra í borginni. Borgaryfirvöld höfðu áður bannað samkomuna og sögðu að lögregla myndi bregðast hart við því ef bannið yrði hunsað.

Evróvisjón söngvakeppnin verður haldin í Moskvu í kvöld. Hafa fyrirhugaðar aðgerðir samkynhneigðra vakið talsverða athygli meðal keppenda þar og létu sumir þeirra að því liggja að þeir muni bregðast við með einhverjum hætti ef lögregla stöðvaði gleðigönguna í borginni. 

Um 15 mótmælendur hrópuðu slagorð þar sem krafist var jafnra réttinda fyrir alla og sagt að hatur á samkynhneigðum væri skömm Rússlands. Mennirnir voru allir handteknir og lögregla handtók síðar um 5 manns til viðbótar þegar þeir reyndu að ræða við blaðamenn.  

Meðal hinna handteknu voru Nikolai Alexejev, sem stýrir heimasíðunni   GayRussia.ru og skipulagði gleðigönguna. Þá var maður í brúðarkjól handtekinn og Bandaríkjamaður, sem barist hefur fyrir réttindum samkynhneigðra.

mbl.is

Bloggað um fréttina

Bast-gardínur 3 stærðir
Til sölu 3 vel með farnar bast gardínur (fengust í Ikea) : stærðir 83 cm, 100 cm...
Jema A/S danskar skæralyftur
Við seljum hinar vinsælu skæralyftur frá JEMA . Lyfta 1,2 m og 3 T ,glussadrifn...
Bang & Olufsen hljómtæki til sölu
til sölu um 10 ára gömul Bang og Olufsen hljómtæki. Beosound 4000, Beolab 4000 s...
Stórar kjarrivaxnar útsýnislóðir stutt frá Reykjavík
Lóðirnar eru í kjarrivaxinni brekku sem veit mót suðri. Frábært útsýni. Heitt va...