Brann upp á leið út í geiminn

Geimflaugin sem um ræðir.
Geimflaugin sem um ræðir. AFP

Ómannað geimfar á leið til Alþjóðlegu geimstöðvarinnar brann upp í gufuhvolfinu skömmu eftir að því var skotið á loft í dag. Þetta segir geimferðastofnun Rússlands.

Atburðurinn hefur vakið upp áhyggjur um öryggi slíkra ferðalaga út í geiminn.

„Samkvæmt bráðabirgðaupplýsingum og vegna óeðlilegs ástands misstum við geimfarið um 190 kílómetrum fyrir ofan fjallgarð þar sem engin íbúabyggð er, á svæðinu Tuva. Megnið af geimfarinu brann upp í gufuhvolfinu,“ sagði í yfirlýsingunni.

Verið er að rannsaka hvað fór úrskeiðis.

Geimfarið átti að ná til geimstöðvarinnar á laugardaginn. Það hafði meðferðis 2,4 tonn af eldsneyti, mat og ýmsum búnaði þegar það tók á loft.

Þetta er í annað sinn á tveimur árum sem ferð slíks geimfars misheppnast.

mbl.is
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...
Vetur í Biskupstungum...
Eigum laust sumarhús í mars/april í nokkra daga. Hlý og kósí hús með heitum pot...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...
Hvernig líst þér á Natalie
Vissir þú að nú er 40.000 kr afsláttur af Natalie? Klikkaðu á linkinn fyrir neð...