Spænskur nautabani var stunginn til bana af nauti í suðvesturhluta Frakklands í dag. Horn nautsins stungust í lungu nautabanans, sem var 36 ára og hét Ivan Fandino.
Hann kom frá Orduna, skammt frá borginni Bilbao og var að taka þátt í Aire-sur-l´Adour-nautaatshátíðinni ásamt kollegum sínum Juan Del Alamo og Thomas Dufau.
Fandino hafði áður unnið nautaat þar sem hann skar eyra nautsins af höfði þess.
Heimildarmenn segja að hann hafi fengið tvö hjartaáföll í sjúkrabílnum á leiðinni á sjúkrahús, þar sem hann lést.