Fimmtán konur dæmdar til dauða
Setja bókamerki
Íraskur glæpadómstóll hefur dæmt fimmtán tyrkneskar konur til dauða fyrir að hafa verið liðsmenn hryðjuverkasamtakanna Ríkis íslams.
Önnur tyrknesk kona sem var sökuð um að hafa gengið til liðs við samtökin hlaut lífstíðardóm.
Allar konurnar höfðu viðurkennt sekt sína.
Fjórar kvennanna, sem voru allar svartklæddar, höfðu ung börn með sér í réttarsalnum.
Konurnar eru á aldrinum 20 til 50 ára. Þær sögðust hafa komið ólöglega til Íraks til að hitta eiginmenn sína sem voru á leið í bardaga í Írak og Sýrlandi fyrir hönd Ríkis íslams.
Ein þeirra sagði dómaranum að hún hefði tekið þátt í bardögum gegn íröskum hermönnum.
Konurnar hafa einn mánuð til að áfrýja dómunum sem þær fengu.
Stutt er síðan íraskur dómstóll dæmdi frönsku konuna Melina Boughedir í sjö mánaða fangelsi fyrir að koma ólöglega til Íraks.
„Þakklátur að hanga í toppsætunum“
Níu milljónir í auglýsingar til erlendra miðla
Hjólandi fjölgar hægt en örugglega
Umdeild einkennismerki lögreglunnar
Verið að búa til „óánægju og kergju“
Ökuníðingur enn í haldi – „Mildi að ekki fór verr“
Hægist á eftir mikinn uppgang