Yfir 2.000 manna hópur Hondúrasbúa sem flúði ofbeldi og fátækt í heimalandinu, og hyggst ganga í gegnum Gvatemala og Mexíkó til að freista gæfunnar í Bandaríkjunum, náði í dag að ryðja sér leið í gegnum landmæri Gvatemala og inn á yfirráðasvæði Mexíkó. Óeirðalögreglan hefur reynt að koma í veg fyrir að fólkið komist yfir brú sem aðskilur löndin tvö að en það gengur illa. AFP- fréttastofan greinir frá.

Donald Trump, forseti Bandaríkjanna, hefur krafist þess að stjórnvöld í Gvatemala og Mexíkó stöðvi för fólksins, en hann hefur jafnframt hótað stjórnvöldum í Hondúras því að þau verði af fjárhagsaðstoð leggi þau ekki sitt af mörkum til að koma í veg fyrir að fólkið komist til Bandaríkjanna. Þá hefur Trump einnig hótað því að loka landamærum Bandaríkjanna og Mexíkó.

Frétt af mbl.is

Halda ótrauð áfram í von um betra líf

„Við ætlum að komast inn. Við ætlum að komast inn saman,“ hrópaði einn maður í göngunni þegar fólkið ruddist í gegnum hindranir við landamærin.

Í gær birti sendi­herra Banda­ríkj­anna í Gvatemala mynd­band á Face­book þar sem hann varaði fólk við að því að reyna að kom­ast ólög­lega inn í Banda­rík­in. „Ef þið reynið að kom­ast til Banda­ríkj­anna þá verðið þið hneppt í varðhald og ykk­ur vísað úr landi. Snúið aft­ur til heima­lands ykk­ar. Þess­ir flutn­ing­ar munu mistak­ast,“ sagði hann.

Frétt af mbl.is

Hótar að loka landamærum að Mexíkó

Gang­an hófst síðastliðinn föstu­dag þegar fyrr­ver­andi þingmaður­inn Bartolo Fu­entes til­kynnti það í fjöl­miðlum að hann ætlaði að slást í för með 200 manna hópi frá San Pedro Sula á leið til Banda­ríkj­anna. Hóp­ur­inn stækkaði mjög fljótt en fólk finn­ur til ör­ygg­is í fjöld­an­um, sér­stak­lega þegar halda á í gegn­um Mexí­kó þar sem flótta­fólki er oft nauðgað og því rænt.

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• Blogga um frétt