Sýknuð af ákæru um guðlast
Setja bókamerki
Hæstiréttur Pakistans sneri í morgun við dómi undirréttar yfir kristinni konu, Asia Bibi, sem sakfelld hafði verið fyrir guðlast. Bibi átti erfitt með að trúa niðurstöðunni þegar hún lá fyrir að því er segir í frétt AFP og spurði ítrekað hvort þetta gæti verið satt.
„Ég veit ekki hvað ég á að segja, ég er mjög hamingjusöm, ég trúi þessu ekki,“ er haft eftir Bibi í fréttinni. Guðlast er alvarlegt afbrot í Pakistan. Samkvæmt fréttinni geta jafnvel ósannaðar ásakanir um slíkt í garð íslam og Múhameðs spámanns leitt til ofbeldis og jafnvel dauða.
Til stóð að leysa Bibi tafarlaust úr haldi en ekki liggur fyrir hvort gerðar verði einhverjar ráðstafanir til þess að gæta öryggis hennar eftir að úr fangelsinu er komið. Fjöldi harðlínumanna hefur mótmælt dóminum síðan greint var frá honum.
Rothissa á vinnubrögðum forystu BÍ
Laugavegur hjólaferðamannsins að fæðast
Frambjóðendur skila inn listum í Hörpu
Vonast til að tjaldbúðir við HÍ standi áfram
Skaut sex sinnum að feðginum á aðfangadagskvöld
Strand skemmtiferðaskips kallar á erlenda aðstoð
Nemendur í HÍ reistu tjaldbúðir án leyfis