Má ekki tjá sig um meint Rússatengsl Trump
Setja bókamerki
Hvít-rússnesk fyrirsæta, sem sagðist hafa upplýsingar um tengsl Donald Trump Bandaríkjaforseta við ráðamenn í Rússlandi, segir að rússneskir leyniþjónustumenn hafi skipað henni að þegja um samskipti hennar við rússneskan milljarðamæring vegna tengsla hans við fyrrverandi kosningastjóra Trump.
Anastasia Vashukevich, sem einnig gengur undir nafninu Natysa Rybka, komst í kastljós fjölmiðla í fyrra þegar hún var handtekin í Taílandi. Hún sagðist hafa undir höndum leynilegar upptökur eftir samband hennar og Oleg Deripaska sem eigi að varpa ljósi á Rússatengsl Trump.
Vashukevich sagði í samtali við CNN að henni hafi verið skipað að tala ekki um Deripaska en hann er fyrrverandi viðskiptafélagi Paul Manafort, fyrrverandi kosningastjóra Trump.
„Menn ræddu við mig í fangelsinu í Rússlandi,“ sagði Vashukevich en hún var handtekin á flugvellinum í Moskvu fyrr í mánuðinum eftir að hafa verið vísað frá Taílandi. „Þeir útskýrðu mjög skýrmerkilega fyrir mér hvað ég ætti að gera, hvað ég ætti að segja og hvað ég ætti ekki að segja,“ bætti hún við.
Hún sagði að rússneskir leyniþjónustumenn hefðu sagt henni að tala ekki frekar um Deripaska. Fyrirsætan var látin laus úr fangelsi í Rússlandi í síðustu viku.
Tveir í bílnum sem lenti utan vegar
Krefjast stöðvunar framkvæmda
Eyjafjarðarbraut lokað vegna alvarlegs umferðarslyss
Kostnaður meiri en milljón á fermetra
Skemmtiferðaskip hætt komið nærri Viðey
Vélsleðaslys: Þyrlan kölluð út á mesta forgangi
„Höfum ekki náð að skríða upp úr þeirri gryfju“