Tugir fórust í flóðum

Að minnsta kosti 51 er látinn og yfir þúsund hafa þurft að flýja heimili sín vegna gríðarlegra flóða í Suður-Afríku. Þetta segir Cyril Ramaphosa, forseti landsins, sem flaug til hamfarasvæðanna í dag.

Úrhelli hefur verið í suðausturhluta landsins og flóðvatnið hefur rifið með sér hús og vegi. 

Ramaphosa ræddi við fréttamenn í Durban-héraði sem er innan flóðasvæðanna og sagði að í það minnsta þúsund manns hafi lagt á flótta frá heimilum sínum vegna flóðanna. Hann lýsti sérstökum áhyggjum af Free State-héraði þar sem enn rignir mikið og mikil hætta á frekari hamförum sé til staðar.

Frá þorpinu Bottle Brush, suður af Durban. AFP

Að minnsta kosti 51 hefur látist í flóðunum en talið er að sú tala eigi eftir að hækka. Björgunarlið fara nú um rústir bæja og þorpa sem urðu undir aurskriðum í leit að fólki á lífi.

Skólahaldi hefur verið aflýst og verslanir og fyrirtæki eru lokuð. 

Enn er von á rigningu næstu daga.

• Blogga um frétt