„Heilagur andi“ kom í veg fyrir hraðasekt

Himneskt inngrip dúfu eða hrein tilviljun? Ökumaðurinn slapp að minnsta ...
Himneskt inngrip dúfu eða hrein tilviljun? Ökumaðurinn slapp að minnsta kosti við hraðasekt þar sem hvíta dúfan, eða heilagur andi samkvæmt Biblíunni, hylur andlit ökumannsins. Ljósmynd/Lögreglan í Viersen/Facebook

Ökumaður í Þýskalandi slapp með skrekkinn nýlega þegar hvít dúfa breiddi út vængi sína og huldi andlit ökumannsins fyrir hraðamyndavélum.

Í glaðværri yfirlýsingu frá lögreglunni í Viersen segir að kannski hafi afskipti „hins heilaga anda“ alls ekki verið tilviljum og vísar þannig í dúfuna sem tákn um heilagana anda í kristinni trú.

„Við tökum táknið gilt og leyfum ökufantinum að fara í friði,“ segir í tilkynningu lögreglunnar, sem vonar samt sem áður að ökumaðurinn taki „skilaboðunum að ofan“ og aki í takt við aðstæður í framtíðinni.

Það er svo sem ekki um gríðarlegan ökufant að ræða, en ökumaðurinn var á 54 kílómetra hraða þar sem hámarkshraði er 30 kílómetrar. Þar sem dúfan hylur andlit hans og einungis er hægt að bera kennsl á ökutækið mun hann að öllum líkindum sleppa við 105 evru sektina, eða sem nemur tæpum 15.000 krónum, þar sem ekki er hægt að bera kennsl á þann sem situr á bak við stýrið.

Lögreglan íhugaði einnig að sekta dúfuna, sem var sjálf á alltof miklum hraða, en erfiðlega hefur gengið að hafa uppi á henni. Lögreglan telur að líklega hafi hún verið að koma sér á áfangastað fyrir Hvítasunnu, en lögreglan sé ekki í annarri stöðu en að sýna henni miskunn.

Frétt BBC

mbl.is

Bloggað um fréttina

Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
Lok á heita potta og hitaveituskeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
EIGUM ALLSKONAR STIGA Á LAGER
Einnig sérsmíði, sjáið úrvalið t.d. á: www.sogem-stairs.com/en_home-home.php L...
Súper sól
Súper sól...