Franski veitingastaðurinn Mirazur, sem er rekinn af argentíska kokkinum Mauro Colagreco, hefur verið valinn sá besti í heimi af breska tímaritinu Restaurant.
Í öðru sæti yfir 50 bestu veitingastaði í heimi varð Noma í Kaupmannahöfn og í þriðja sæti lenti Asador Etxebarri á Spáni.
Mirazur hlaut þriðju Michelin-stjörnuna sína í janúar. Colagreco, sem er 42 ára, opnaði veitingastaðinn árið 2006 og hlaut fyrstu stjörnuna árið eftir.
Colagreco kallaði starfsmenn sína upp á svið þegar verðlaunin voru afhent og þakkaði þeim fyrir framlag sitt. „Takk fyrir, liðið mitt. Þið eigið þetta skilið eftir öll þessi ár.“