Norður-Kórea skaut tveimur flugskeytum
Kim Jong-un leiðtogi Norður-Kóreu.
AFP
Setja bókamerki
Norður-Kóreumenn skutu tveimur skammdrægum eldflaugum á loft snemma í dag að staðartíma, samkvæmt nágrönnum þeirra á suðurhluta Kóreuskagans. Flugskeytin eiga að hafa flogið 430 kílómetra áður en þau hurfu í Japanshaf.
Samkvæmt erlendum fréttamiðlum eru stjórnvöld í Norður-Kóreu óánægð með fyrirhugaða heræfingu Suður-Kóreu og Bandaríkjamanna í næsta mánuði.
Flugskeytunum var skotið á loft nærri borginni Wonsan í austurhluta Norður-Kóreu, milli klukkan fimm og sex að staðartíma í nótt.
Varnarmálaráðuneyti Suður-Kóreu hvetur nágrannann í norðri til að hætta, enda séu svona sendingar ekki til að minnka spennuna á milli ríkjanna.
Her Suður-Kóreu er í viðbragðsstöðu og þarlendir sérfræðingar kanna hvers konar eldflaugar var um að ræða.
Einn alvarlega slasaður eftir umferðarslys
Að flytja á Álftanes var skrifað í skýin
Nýr skóli í Laugardal á teikniborðinu
/frimg/1/49/14/1491484.jpg)
Þrír bræður verða í sömu blokkinni
Mengað jarðefni geymt á Sævarhöfða
Kostnaður meira en 100-faldast
Fræsa og malbika Reykjanesbraut