Sonur Trumps hættir við að taka þátt

Barron Trump, yngsta barn Donalds Trump, hefur ákveðið að hætta við að vera fulltrúi Flórída-ríkis á flokksþingi Repúblikanaflokksins í júlí.

Átti þátttaka hans á flokksþinginu að verða pólitísk frumraun Barrons en hann hefur lítið verið í kastljósinu framan af ævinni.

Aðrar skuldbindingar kalla á Barron

Barron Trump komst í fréttirnar fyrr í vikunni þegar það blasti við að hann yrði nýjasti meðlimur Trump-fjölskyldunnar til að hasla sér völl á hinum pólitíska vettvangi.

„Þrátt fyrir að það sé Barron heiður að hafa verið valinn fulltrúi af Repúblíkanaflokknum í Flórída, neitar hann því miður að taka þátt vegna fyrri skuldbindinga,“ segir í yfirlýsingu Melaniu Trump, móður Barrons Trumps.

Barron hefði komið fram ásamt systkinum sínum Donald Trump yngri, Eric Trump og Tiffany Trump sem hluti af sendinefnd Flórída.

• Blogga um frétt