Útgöngubann tekur gildi í Kólumbíu á þriðjudag og verður það í gildi til 13. apríl. Forseti landsins, Ivan Duque, vill með því reyna að stöðva útbreiðslu kórónuveirunnar í landinu.
Kólumbíumenn mega frá og með þriðjudeginum eingöngu fara út til að kaupa lyf og mat eða sinna öðrum nauðsynlegum erindum.
Fram kemur í frétt AFP að tæplega helmingur landsmanna sé nú þegar í heimasóttkví sem tók gildi í gær.
Þeir sem virða ekki bannið geta átt von á sektum.