37 ára gamall Svíi, Daniel Nyqvist, er grunaður um að hafa myrt átta ára gamlan dreng og kennara hans fyrir 21 ári. Farið var fram á gæsluvarðhald yfir Nyqvist í héraðsdómi í Linköping í morgun.
Þar kom fram að Nyqvist hefði verið handtekinn á þriðjudag grunaður um morðin sem framin voru árið 2004. Á meðan hann er í gæsluvarðhaldi verður hann sendur í geðrannsókn en gæsluvarðhaldið rennur út 8. júlí.
Samkvæmt fréttum sænska ríkissjónvarpsins og Aftonbladet var Nyqvist 21 árs er hann myrti Mohammed Ammouri og kennara hans, Anna-Lena Svensson, snemma að morgni í október 2004. Morðin voru framin í miðborg Linköping.
Nyqvist var handtekinn á heimili sínu í Linköping en þar hefur hann búið frá því í september 2009. Hann er ókvæntur og býr einn. Samkvæmt SVT er enn óvíst hvers vegna hann framdi morðin.