Árásarmaðurinn bað nemendur að benda á kennarann
Setja bókamerki
Karlmaðurinn sem afhöfðaði kennarann Samuel Paty í Frakklandi í gær beið fyrir utan skólann drykklanga stund og bað nemendur að lýsa útliti kennarans fyrir sér. BBC greinir frá.
Eftir að nemendur höfðu bent honum á Paty veitti hann honum eftirför, en Paty var fótgangandi á leið heim úr vinnu. Hann veittist að honum með hnífi og afhöfðaði hann. Árásarmaðurinn birti síðan myndir af líki hans á samfélagsmiðlum.
Paty hafði tíu dögum áður rætt við framhaldsskólanemendur sína og sýnt þeim skopmyndir af Múhameð spámanni.
Árásarmaðurinn var skotinn til bana eftir að hann hafði skotið til lögreglu með loftbyssu. Lögreglan í Frakklandi hefur handtekið níu manns í tengslum við morðið.
Emmanuel Macron Frakklandsforseti sagði í gær að morðið væri hryðjuverk og að Paty hefði verið myrtur af því hann fræddi nemendur sína um tjáningarfrelsið.
Árásarmaðurinn er, samkvæmt BBC, 18 ára gamall og ættaður frá Tsjetsjeníu. Hann fæddist í Moskvu í Rússlandi en kom til Frakklands sem flóttamaður þegar hann var ungur drengur. Hann hafði enga augljósa tengingu við kennarann né skólann að sögn Jean-Francois Ricards, ríkissaksóknara hryðjuverkamála í Frakklandi.
Telur forsendur fyrir vaxtalækkun
Nemendur í HÍ reistu tjaldbúðir án leyfis
Þyngri refsing fyrir að nauðga stjúpdóttur æskuvinar
Hvorki sést áður hér á landi né annars staðar
„Höfum ekki náð að skríða upp úr þeirri gryfju“
Strand skemmtiferðaskips kallar á erlenda aðstoð
Væri að ljúga ef ég segðist ekki stressaður
Mál hjúkrunarfræðingsins fer aftur fyrir héraðsdóm