Árásarmaðurinn var nýkominn til Evrópu

Karlmaðurinn frá Túnis sem myrti þrjár manneskjur í franskri kirkju í gær hafði nýlega komið til Evrópu.

Frétt af mbl.is

Segir að múslimar megi drepa Frakka

Hann er 21 árs og var með skjöl frá ítalska Rauða krossinum, sem hann fékk eftir að hann kom til ítölsku eyjarinnar Lampedusa sem flóttamaður á báti í síðasta mánuði, að því er BBC greinir frá.

Árásarmaðurinn var skotinn af lögreglunni og er ástand hans sagt alvarlegt.

Frétt af mbl.is

Leitaði skjóls á krá og lést af sárum sínum

Að sögn AFP-fréttastofunnar hafa stjórnvöld í Túnis fordæmt atburðinn og segjast hafa hafið rannsókn á málinu.

„Túnis fordæmir harðlega hryðjuverkaárásina í Nice og lýsir yfir samstöðu með frönsku ríkisstjórninni og almenningi í landinu,“ sagði í yfirlýsingu frá utanríkisráðuneytinu í Túnis.

Franska sérsveitin fyrir utan kirkjuna í gær. AFP

• Blogga um frétt