Doha-samningur lagði grunn að valdatöku talíbana
Setja bókamerki
Háttsettir embættismenn í bandaríska hernum segja að valdatöku talíbana í Afganistan megi rekja til samnings á milli þeirra og ríkisstjórnar Donalds Trump.
Hið svokallaða Doha-samkomulag var undirritað í febrúar á síðasta ári og sett var fram dagsetning um brotthvarf Bandaríkjahers frá Afganistan.
Hershöfðinginn Frank McKenzie sagði að samningurinn hefði haft „skaðleg áhrif” á afgönsku ríkisstjórnina og her landsins.
Lloyd Austin, varnarmálaráðherra Bandaríkjanna, var sammála og sagði samkomulagið hafa hjálpað talíbönum við að „styrkjast”, að sögn BBC.
Auk þess að ákveða dagsetningu um brotthvarf hersins hafði Doha-samkomulagið í för með sér skyldur sem voru lagðar á herðar talíbana um að koma í veg fyrir að hópar á borð við Al-Kaída ógnuðu öryggi Bandaríkjamanna og samherja þeirra.
Eftir forsetakosningarnar í Bandaríkjunum hélt Joe Biden Bandaríkjaforseti, áfram með áætlunina um brotthvarf hersins en seinkaði því til 31. ágúst í staðinn fyrir í maí.
McKenzie og Austin greindu frá þessu er þeir sátu fyrir svörum á fundi fulltrúadeildar Bandaríkjaþings.
Lögðu hald á sex kíló af metamfetamíni
„Miklu meira en bara yfirmaður”
Solaris-söfnun óendurskoðuð
Listar sósíalista tilbúnir í öllum kjördæmum
Seldu mat en máttu það ekki
Fátæk börn almennt verr stödd á öllum sviðum
Engar beiðnir um aðstoð við Íslendinga á flóðasvæðinu
Faðir Dags gagnrýnir Kristrúnu