Tvítugur Írani er minnsti maður í heimi samkvæmt Heimsmetabók Guinness.
Afshin Esmaeil Ghaderzadeh er 65,24 cm á hæð, nærri sjö centimetrum minni en fyrri methafi, hinn kólumbíski Edward Hernandez.
Afshin er í fjórða sæti yfir minnstu menn sem hafa komist í heimsmetabókina.
Hæðarmælingarnar fóru fram á skrifstofu Guinness í Dubai, en auk þess að hreppa heimsmetið nýtti Ghaderzadeh ferðina til að heimsækja klæðskera, og uppfylla draum sinn um að heimsækja hæstu byggingu heims, Burj Khalifa.