Vopnahléið ekki virt í Súdan og matvælaaðstoð hætt
Setja bókamerki
Svo virðist sem umsamið vopnahlé í Súdan hafi ekki verið virt og nú hafa Sameinuðu þjóðirnar tilkynnt að hætt verði að veita matvælaaðstoð á svæðinu. Heyra mátti í skothríð nærri flugvellinum í Kartúm á milli klukkan 16 og 19 að staðartíma, á þeim tíma sem vopnahléð átti að standa yfir.
Stríðandi fylkingar féllust á tillögur Sameinuðu þjóðanna um þriggja klukkustunda langt vopnahlé til þess að koma við brýnni neyðaraðstoð á svæðinu í dag.
Átök hafa staðið yfir frá morgni laugardags
Átökin standa milli Súdanshers og uppreisnarhers þar í landi en þau brutust út á laugardagsmorgun.
Her Súdans er stjórnað af Abdel Fattah al-Burhan en uppreisnarhernum af hans næstráðanda Mohamed Hamdan Daglo. Saman stóðu þeir að valdaráni 2021 og hafa stjórnað landinu saman síðan þá. Kastaðist í kekki milli þeirra vegna fyrirhugaðrar sameiningar heraflans.
Ríflega 50 manns hafa þurft að gjalda fyrir átökin með lífi sínu um helgina.
Matvælaaðstoð hætt
Sameinuðu þjóðirnar hafa fallið frá öllum áformum um áframhaldandi matvælaaðstoð á svæðinu eftir að þrír starfsmenn á vegum stofnunarinnar létu lífið. Flugvél frá matvælaaðstoðardeild Sameinuðu þjóðanna er auk þess illa farinn eftir verkefnið.
„Við getum ekki sinnt þeim lífsnauðsynlegu verkefnum sem við viljum sinna ef það er ekki hægt að tryggja öryggi starfsfólks okkar,“ er haft eftir Cindy McCain forstöðumanni matvælaaðstoðar hjá Sameinuðu þjóðunum.
Hafa þurft að stugga við fólki
Dreymdi sjö seli: Katrín verður forseti
Ríkisfjármálin ósjálfbær þó staðan sé góð
3.800 gígawattsstundir af viðbótarorku árlega
Brotum fjölgar og lögregla oftar vopnuð
Verðskulda allir frambjóðendur jafna athygli?
Verkefnin snúa að velferð fólksins