Forstjóri íþróttavöruframleiðandans Adidas hefur beðist afsökunar fyrir að segja að rapparinn Kanye West „meinti ekki það sem hann sagði“ þegar hann lét ummæli falla, sem bundu enda á áralangt samstarf hans með vörumerkinu.

Bjørn Gulden, sem tók við sem forstjóri Adidas í byrjun árs, lét orðin falla í hlaðvarpinu „In Good Company“ í síðustu viku, þar sem hann var gestur.

Frétt af mbl.is

„Ég elska nasista“

Frétt af mbl.is

Stefnir í milljarða króna tap vegna Kanye

Mjög óheppilegt

Hann sagði í hlaðvarpinu að West, sem gengur nú undir nafninu Ye, hafi farið með „nokkrar fullyrðingar sem voru ekki góðar“.

„[Þetta er] mjög óheppilegt, því ég held að hann hafi ekki meint það sem hann sagði og ég tel hann alls ekki vera slæma manneskju – það bara virtist þannig,“ sagði Gulden.

Nú hefur Gulden beðist afsökunar á ummælunum, eftir að hafa sætt mikla gagnrýni í kjölfar þeirra. Auk þess hefur fyrirtækið gefið út yfirlýsingu í tengslum við atvikið.

„Okkar ákvörðun um að slíta samstarfi með Ye vegna óviðunandi ummæla hans var algjörlega rétt. Okkar viðhorf hefur ekki breyst,“ segir í tilkynningu frá Adidas.

Tengdar fréttir

Kanye West

Swift hjólar í Kardashian á nýju plötunni

• Kennir eiginkonunni um ófrjósemina
• Myndir af eiginkonunni vekja óhug
• Klæðaburður eiginkonu Kanye lögreglumál á Ítalíu
• Bauð fram sushi á nöktum konum í afmælisveislunni

» Fleiri tengdar fréttir

• Blogga um frétt