Antony Blinken, utanríkisráðherra Bandaríkjanna, kallar eftir frekari framlengingu á vopnahléi á Gasa milli Hamas-hryðjuverkasamtakanna og Ísraelsmanna.
Vopnahléið hefur staðið yfir í sjö daga en í morgun náðist samkomulag um að framlengja það um einn sólarhring.
„Við viljum sjá þetta ferli halda áfram að þróast. Við viljum áttunda daginn og lengra,“ sagði Blinken við fréttamenn í Tel Avív en utanríkisráðherrann kom til Ísraels í gær, miðvikudag.
Frá því vopnahléið tók gildi þann 24. nóvember hafa 70 Ísraelsmenn verið leystir úr gíslingu Hamas og 210 Palestínumenn verið leystir úr fangelsum Ísraels.