Danski herinn mun verja kennileiti gyðinga
Setja bókamerki
Danskar hersveitir verða staðsettar við kennileiti gyðinga og Ísrael í Kaupmannahöfn frá og með 6. desember til þess að bregðast við auknu gyðingahatri í borginni.
„Átökin í Mið-Austurlöndum hefur leitt til algjörlega óviðunandi aukningar á gyðingahatri og óöryggi gyðinga í Danmörku,“ sagði Peter Hummelgaard dómsmálaráðherra í dag.
„Við erum í þeirri stöðu að hryðjuverkaógnin sem hangir yfir Danmörku er alvarleg.“
Hummelgaard sagði að stríðið á Gasa hefði mikil áhrif á störf og getu dönsku lögreglunnar, en meðal annars hafa nokkrum sinnum brotist út hörð mótmæli eftir Kóranbrennur.
Neitaði að svara
Á meðal staða sem hermenn munu vakta verða sýnagógur og ísraelska sendiráðið. Talið er að um sex til átta þúsund gyðingar búi í Danmörku.
Dómsmálaráðuneytið neitaði að svara fyrirspurn AFP-fréttaveitunnar varðandi hvort hersveitir myndu einnig vakta kennileiti múslima í ríkinu.
„Björguðu lífi þessa fólks“
„Þú ert bara orðin miðaldra kona“
Fjöldi tungumála áskorun
Ísland orðið of dýrt
Segir afsökun Microsoft lélega
Stafræna byltingin étur börnin sín