Alls hafa 22 göngumenn fundist látnir í Indónesíu þar sem eldfjallið Marapi gaus um helgina. Að sögn björgunarsveita á svæðinu fundust níu lík til viðbótar í dag.
Abdul Malik, sem stýrir björgunaraðgerðum í Padang, segir í samtali við AFP-fréttaveituna að níu af þeim tíu sem var saknað hafi fundist látnir í dag. Unnið sé að því að flytja líkin niður fjallið.
Marapi gýs enn á meðan mörg hundruð björgunarsveitarmenn athafna sig við erfiðar aðstæður og hálku.
Þriggja kílómetra hátt öskuský teygði sig til himins á sunnudag með þeim afleiðngum að nálæg þorp hurfu nánast undir ösku.
Alls voru 75 fjallgöngumenn í fjallinu þegar gosið hófst.