Maersk hyggst sigla um Rauðahafið á ný
Setja bókamerki
Tengdar fréttir
Ísrael/Palestína
Skipafélagið Maersk hyggst hefja siglingar á ný um Rauðahafið eftir að hafa hætt þeim tímabundið vegna árása uppreisnarhóps Húta í Jemen á flutningaskip á Rauðahafi.
Hefja þeir siglingarnar þökk sé sameiginlegri varnaraðgerð fleiri en 20 ríkja undir forystu Bandaríkjanna sem hafa samið um að reyna verja skip á þessu svæði frá árásum Húta. Nefnist aðgerðin „Operation Prosperity Guardian“ (OPG), lauslega þýtt á íslensku sem „Velmegunarvarðaraðgerðin“.
Rauðahafið er ein mikilvægasta sjóleiðin á milli Asíu og Evrópu fyrir olíu- og eldsneytisflutninga, sem og neysluvörur.
Fréttastofa ABC greinir frá.
Árásirnar gerðar með blessun Írans
Maersk sagði í yfirlýsingu á sunnudag að í ljósi þess að úr varnaraðgerðinni OPG varð þá væri skipafélagið byrjað að undirbúa siglingar á nýjan leik.
Hútar hafa stundað þrálátar eldflauga- og drónaárásir á flutningaskip síðan að stríðið á milli Ísraels og hryðjuverkasamtakanna Hamas hófst þann 7. október en síðustu vikur hafa árásirnar aðeins færst í aukanna.
Hútar eru studdir af klerkaveldinu Íran og segir bandaríska varnarmálaráðuneytið að þessar árásir Húta séu gerðar með blessun Írans.
Tengdar fréttir
Ísrael/Palestína
Þyngri refsing fyrir að nauðga stjúpdóttur æskuvinar
Strand skemmtiferðaskips kallar á erlenda aðstoð
Forsetinn líti yfir axlirnar á þingheimi
Breytingar á skipulagi fréttadeildar RÚV
Hvorki sést áður hér á landi né annars staðar
Væri að ljúga ef ég segðist ekki stressaður
Mál hjúkrunarfræðingsins fer aftur fyrir héraðsdóm
Færri nota rafhlaupahjól eftir djammið