Eyðilögðu flugskeyti Húta eftir árásina
Setja bókamerki
Bandarískar hersveitir eyðilögðu flugskeyti Húta sem stefndi á Rauðahaf, nokkrum klukkustundum eftir að Hútar hæfðu breskt olíuskip á Aden-flóa.
Aðgerðastjórnstöð Bandaríkjahers (CENTCOM) sagði aðgerðina hafa verið gerða í sjálfsvörn þar sem flugskeytið var tilbúið til að fara á loft.
„Sveitir gerðu árás og eyðilögðu flugskeytið í sjálfsvörn,“ sagði í yfirlýsingu CENTCOM.
„Árásin varð til þess að skipið brann“
Breska olíuskipið Marlin Luanda varð fyrir flugskeytaárás Húta í gærkvöldi.
„Árásin varð til þess að skipið brann,“ sagði talsmaður vígahópsins, Yahya Saree.
Herskip komu olíuskipinu til aðstoðar og eru allir skipverjar sagðir óhultir.
Hútar eru studdir af klerkastjórninni í Íran og segjast með árásum sínum vera að styðja málstað Palestínumanna á Gasa í stríði Ísraels og hryðjuverkasamtakanna Hamas.
Bandarískar og breskar hersveitir hafa hafið sameiginlegar árásir til að draga úr getu Húta til að miða á skip sem sigla um helstu viðskiptaleið Rauðahafs.
Forsetinn líti yfir axlirnar á þingheimi
Breytingar á skipulagi fréttadeildar RÚV
Vonast til að tjaldbúðir við HÍ standi áfram
Norskur lögreglumaður dæmdur
Færri nota rafhlaupahjól eftir djammið
Kaldasti veturinn kom að óvörum
Frambjóðendur skila inn listum í Hörpu
Mál hjúkrunarfræðingsins fer aftur fyrir héraðsdóm