Egyptar reisa múr við Gasa
Setja bókamerki
Af gervihnattarmyndum að dæma þá hafa Egyptar á síðustu dögum verið að byggja múr vestur af Rafah-landamærunum við Gasa.
Egyptar viðurkenna ekki opinberlega uppbygginguna en Associated press hefur greint myndirnar og virðist lítill vafi vera á því að um umfangsmiklar framkvæmdir er að ræða.
ABC News greinir frá.
Ísraelsmenn boða sókn inn í Rafah
Gervihnattarmyndirnar, sem teknar voru á fimmtudag af Maxar Technologies, sýna áframhaldandi framkvæmdir á veggnum, sem liggur með fram Sheikh Zuweid-Rafah veginum um 3,5 kílómetra vestur af landamærunum að Gasa. Á myndunum má sjá krana, vörubíla og það sem virðist vera steyptir vegatálmar sem verið er að setja upp með fram veginum.
Ísraelsmenn hafa boðað sókn inn í Rafah-borg til að ganga á milli bols og höfuðs á hryðjuverkasamtökunum Hamas og virðast Egyptar óttast það að flóttamenn frá Gasa fari yfir landamærin.
Egyptar hafa hingað til ekki viljað taka við palestínskum flóttamönnum.
Afhendir yngri kynslóðum keflið
Umboðsmaður barna krefur ráðherra um svör
Segir afsökun Microsoft lélega
„Björguðu lífi þessa fólks“
Fjöldi tungumála áskorun
Kennir að vera Íslendingur í þúsundasta skipti