Segir Trump vera hömlulausan og í ójafnvægi
Setja bókamerki
Donald Trump, fyrrverandi Bandaríkjaforseti, er hömlulaus og í ójafnvægi. Þetta sagði Nikki Haley, mótframbjóðandi hans í forvali Repúblikana, í gær á kosningafundi er hún hét því að halda kosningabaráttu sinni gangandi.
Nikki Haley hefur sett enn meiri þunga í árásir sínar gegn Trump að undanförnu en hún er fjarri góðu gamni í skoðanakönnunum.
Kosið verður í Suður-Karólínu nú á laugardag í forvali Repúblikana um forsetatilnefningu flokksins.
Trump með mikið forskot
Nikki Haley er sjálf frá Suður-Karólínu og þjónaði þar sem ríkisstjóri á árunum 2011 til 2017.
Þrátt fyrir það er Trump geysivinsæll meðal Repúblikana í því ríki og samkvæmt RealClearPolitics er Trump með að meðaltali 25,3% forskot á Haley í ríkinu.
Ef skoðaðar eru kannanir á landsvísu er hann með um 50% forskot á hana.
Boðaði til óvænts fundar
Haley boðaði óvænt til kosningafundar í gær til að „fara yfir stöðuna í kosningabaráttunni“ og héldu sumir að hún væri að fara kasta inn handklæðinu. Svo var ekki.
„Hann verður illkvittnari og meira móðgandi með hverjum deginum,“ sagði Haley meðal annars á fundinum.
„Hann er algjörlega annars hugar og allt snýst um hann. Hann er svo heltekinn af djöflum sínum í fortíðinni að hann getur ekki einbeitt sér að framtíðinni sem Bandaríkjamenn eiga skilið,“ sagði hún við stuðningsmenn sína og hét því um leið að halda ótrauð áfram í kosningabaráttunni.
Stuðningsmenn Trumps hafa kallað eftir því að hún dragi framboð sitt til baka svo að flokkurinn geti sameinast í kosningabaráttunni gegn sitjandi forseta Joe Biden.
Áfram í haldi grunaður um manndráp
„Verulega brugðið að sjá þennan þátt“
Viðræðurnar á viðkvæmu stigi
Segja ekkert komið fram sem sanni sök flugmannsins
Vinna hafin við gerð nýs varnargarðs
Varðhald rennur út á morgun
Bjarni: Of snemmt að ræða lagasetningu
Kjarnavopn úr greipum manna?