Slösuðust alvarlega þegar brú gaf sig

Að minnsta kosti fjórir slösuðust, þar af þrír alvarlega, þegar brú hrundi í Hollandi. 

Hollensk yfirvöld greina frá þessu, en fram kemur að unnið hafi verið að smíði brúarinnar þegar hluti hennar gaf sig í Lochem, sem er í austurhluta landsins. 

Lögregla, sjúkralið og björgunarsveitir eru á vettvangi og vinna nú að því að bjarga fólki sem er fast í rústunum. 

Ekki liggur fyrir hvers vegna brúin hrundi. 

• Blogga um frétt