Fyrrverandi kanslari Austurríkis fundinn sekur

Sebastian Kurz, fyrrverandi kanslari Austurríkis, hefur verið dæmdur í átta mánaða skilorðsbundið fangelsi fyrir að ljúga að þingnefnd í janúar í fyrra.

Við þingnefndina gerði hann lítið úr þeim tengslum sem hann á að hafa haft mann sem var tilnefndur sem forstjóri fjárfestingasjóðs í eigu ríkisins.

Skilaboð á milli mannana gefa þó í skyn að mikið samráð hafi verið þeirra á milli fyrir ráðningu. Til að mynda sendi Kurz skilaboð á manninn þar sem stóð „Þú munt fá allt sem þú vilt“.

Frétt af mbl.is

Fyrrverandi kanslari Austurríkis ákærður

Sagði af sér árið 2021

Kurz var árið 2017 yngsti lýðræðislega kjörni þjóðhöfðingi í heiminum en árið 2021 sagði hann af sér í kjölfar ásakana um að hafa misnotað skattfé í þeim tilgangi að bæta fjölmiðlaumfjöllun um sig sjálfan.

Frétt af mbl.is

Kanslari Austurríkis grunaður um spillingu

• Blogga um frétt