Vörpuðu matarpakkningum úr herflugvélum
Setja bókamerki
Bandaríkin stóðu í dag fyrir fyrstu hjálpargagnasendingunni úr lofti til Gasa þar sem 30 þúsund máltíðum var varpað úr herflugvélum til Palestínumanna.
Fulltrúi aðgerðastjórnar Bandaríkjahers staðfesti þetta við AFP-fréttastofuna.
Aðgerðin fór fram fyrr í dag og var 66 matarpakkningum varpað úr þremur C-130 herflugvélum.
Joe Biden Bandaríkjaforseti tilkynnti í gær á samfélagsmiðlinum X að Bandaríkin hygðust koma hjálpargögnum til Gasa með því að varpa þeim úr lofti.
Þá sagði hann Bandaríkin jafnframt ætla að beita sér af meiri hörku fyrir því að greiða leið vöruflutning að Gasa af hafi og fjölga sendingum á svæðið landleiðina.
Segja 112 hafa fallið
Tilkynning Bidens kom degi eftir að Ísraelsher hóf skothríð á almenna borgara á Gasa sem ætluðu að sækja sér hjálpargögn.
Að sögn heilbrigðisráðuneytisins á Gasasvæðinu, sem Hamas-samtökin stjórna, voru 112 drepnir og 760 særðir.
Kerfið féll á prófinu
Myndband: Hnúfubakar komu fjölskyldu á bát á óvart
„Þú ert bara orðin miðaldra kona“
Ísland orðið of dýrt
Hyggst skoða lög um nafnabreytingar
Leitaði að upplýsingum um Kennedy-morðið