Fjöldi fanga slapp úr fangelsi á Haítí eftir að vopnaðir glæpahópar réðust inn í stærsta fangelsið í höfuðborginni, Port-au-Prince, og greiddi leið þeirra þaðan út.

Þetta staðfesti franska sendiráðið á Haítí við fréttaveitu AFP í dag. Ráðleggur sendiráðið borgurum sínum gegn öllum ferðalögum í miðborg Port-au-Prince.

Þekktir glæpaleiðtogar ganga lausir

Lögreglan á Haítí og herinn var sendur að fangelsinu í kjölfar atburðanna. Samkvæmt miðlum á Haítí slapp nokkur fjöldi fanga úr valdamiklum glæpahópum úr fangelsinu. Þekktir glæpaleiðtogar og menn sem höfðu verið sakfelldir fyrir aftöku fyrrverandi forsetans Jovenel Moise voru á meðal þeirra sem sluppu.

Árásin á fangelsið var þaulskipulögð og njósnuðu forsprakkar hennar um fangelsið með drónum áður en árásin var gerð. Glæpahópar hafa farið mikinn að undanförnu á svæðinu með það fyrir augum að steypa Ariel Henry, forsætisráðherra Haítí, af stóli.

Frétt af mbl.is

Yfir 600 drepnir í apríl

Tengdar fréttir

Morðið á Moise

Læknir grunaður um morðið á forsetanum

• „Ég er 100% viss um sakleysi þeirra“
• „Ég er á lífi, þökk sé Guði“
• Bandaríkin senda ekki herlið til Haítí
• Haítí biður um aðstoð Bandaríkjahers

» Fleiri tengdar fréttir

• Blogga um frétt