Sjö ára stúlka var á meðal sextán flóttamanna sem drukknuðu á leið sinni frá norðanverðu Frakklandi til Bretlands, að því er stjórnvöld í Nord í Frakklandi hafa tilkynnt.
Segir í tilkynningunni að báturinn hafi ekki rúmað svo marga, sem varð til þess að honum hvolfdi þegar hann var skammt á veg kominn.
Eftirlit með flóttamannabátum á leið frá Frakklandi til Bretlands hefur verið hert í takt við aukinn fjölda þeirra á undanförnum misserum.
Lögreglan og slökkvilið reyndu endurlífgunartilraunir á sjö ára stúlku sem var í hópnum, sem ekki báru árangur. Sjö manns eru í varðhaldi vegna atviksins og er í skoðun að leggja fram ákæru vegna manndráps af gáleysi, skipulagðrar glæpastarfsemi og smygls á fólki.