Tók myndbönd í laumi á kvennasalerni

Maður sem sakaður var um að hafa tekið myndbönd í laumi af konum inni á kvennasalerni kvaðst vera kvenmaður þegar hann var handtekinn af lögreglunni. 

„Þetta hefur gerst aftur,“ skrifaði JK Rowling á X, áður Twitter, auk þess sem hún deildi fréttum af sakfellingunni á samfélagsmiðlum.

Telegraph greinir frá. 

„Þetta sem aðeins ill og andstyggileg stórmenni halda fram að aldrei nokkurn tímann gerist, hefur gerst. Aftur,“ skrifaði Rowling á samfélagsmiðlum. 

Maðurinn var að slappa af á klósettinu

Með færslunni deildi Rowling tengli í dóm Kurtis Mawson, 22 ára, sem tók myndbönd í laumi af konum á almenningssalerni, auk þess sem hann áreitti ferðamann kynferðislega á brú í borginni Duhram. 

Í dómnum segir frá því þegar lögreglan mætti á kvennasalernið þar sem brotið átti sér stað. Einn lögreglumannanna er sagður hafa kallað og spurt hvort einhver væri þar inni. Þá svaraði Mawson mjúkri röddu: „Já“. 

Spurður hvað hann væri að gera á kvennaklósettinu sagðist hann „bara vera að slappa af“. Þá sagðist hann skilgreina sig sem konu og því væri hann á kvennasalerninu en ekki karlasalerninu. 

Konur og stúlkur að gefa upp réttindi sín 

Rowling hefur skrifað nokkur ummæli undir færslu sína á X þar sem hún leggur áherslu á að konur og stúlkur eigi ekki að þurfa að „gefa kvennaklósettin eftir“ fyrir örfáa „transmenn“ enda sé búið að „sanna hættuna“.  

„Það er alveg hægt að vilja að transfólk sé öruggt og hamingjusamt á sama tíma og við gerum okkur grein fyrir þeirri hættu sem felst í því fyrir konur og stúlkur að vera í upprættum einkynja rýmum. Það er verið að þrýsta á konur og stúlkur að afsala sér réttindum, sem þær hafa barist fyrir, til hóps sem sannað er að þeim stafi hætta af.“

• Blogga um frétt