Þrír fórust, þar á meðal eitt barn, þegar eldur braust út í byggingu skammt frá Alicante í suðausturhluta Spánar.
Fjórtán manns í viðbót sem voru í byggingunni fengu aðhlynningu vegna mögulegrar reykeitrunar, að sögn talsmanns heilbrigðisyfirvalda á svæðinu.
Eldsvoðinn varð klukkan 2.15 í nótt að staðartíma, eða klukkan 1.15 að íslenskum tíma.
Slökkviliðið er búið að ná tökum á eldinum.