Biden og Trump öruggir sigurvegarar
Setja bókamerki
Joe Biden Bandaríkjaforseti og Donald Trump, fyrrverandi Bandaríkjaforseti, sýndu mikla yfirburði á ofur-þriðjudeginum svokallaða í forvali sinna flokka vegna forsetakosninganna sem verða haldnar í nóvember.
Trump hefur verið lýstur sigurvegari í 12 af 15 ríkjum í forvali Repúblikanaflokksins, þar á meðal í lykilríkinu Norður-Karólínu.
Andstæðingur hans Nikki Haley hefur aðeins sigrað Trump í einu ríki, Vermont, í norðausturhluta Bandaríkjanna og þykir sá sigur óvæntur.
Joe Biden Bandaríkjaforseti hefur verið lýstur sigurvegari í 14 ríkjum en búist var við því að hann myndi tapa gegn Jason Palmer á svæði Samóaeyja í Kyrrahafi.
Trump þarf að bíða þangað til 12. eða 19. mars þegar tölfræðilega öruggt verður að hann verði frambjóðandi Repúblikana í forsetakosningum í nóvember.
Haley er undir auknum þrýstingi um að draga sig í hlé í kapphlaupinu og styðja Trump.
„Það er ástæða fyrir því að þau kalla þetta ofur-þriðjudag,” sagði Trump í ræðu sem hann hélt í Flórída. „Þetta er stór dagur. Þeir segja mér, sérfræðingar og aðrir, að þetta hafi aldrei áður verið svona, aldrei svona öruggur sigur.”
Joe Biden varaði við því að Trump væri „staðráðinn í að eyðileggja” lýðræði Bandaríkjanna.
Trump „er staðráðinn í að eyðileggja lýðræðið okkar, taka í burtu grundvallarréttindi eins og möguleika kvenna til að taka sínar eigin ákvarðanir í heilbrigðismálum og lækka skatta upp á milljarða dollara í þágu þeirra ríku – og hann mun gera og segja hvað sem er til að koma sér til valda,” sagði Biden í yfirlýsingu sinni.
Strand skemmtiferðaskips kallar á erlenda aðstoð
Frambjóðendur skila inn listum í Hörpu
/frimg/1/48/74/1487454.jpg)
Heldur inn í nóttina tuttugu kílóum léttari
Tveggja mánaða flandur um Nýja-Sjáland
/frimg/1/29/32/1293273.jpg)
Ekki af baki dottinn og ætlar að opna B5 aftur
Bergnuminn í Hvalfirði
Laugavegur hjólaferðamannsins að fæðast
Skaut sex sinnum að feðginum á aðfangadagskvöld