Ræddu saman í fyrsta sinn í mánuð
Setja bókamerki
Joe Biden Bandaríkjaforseti og Benjamín Netanjahú, forsætisráðherra Ísraels, ræddu saman fyrr í dag. Er þetta fyrsta samtal þeirra tveggja í meira en mánuð eftir því sem best er vitað.
Í símtalinu ræddu leiðtogarnir tveir nauðsyn þess að koma mannúðaraðstoð til Gasa og yfirvofandi aðgerðir Ísraela í Rafah, þar sem meira en milljón óbreyttra Palestínumanna hefur leitað skjóls.
Bandaríkjamenn áhyggjufullir
Biden lýsti áhyggjum sínum af áformum Ísraela um aðgerðir á jörðu niðri í Rafah. Borgin er síðasta stóra borgin á Gasasvæðinu þar sem hermenn hafa ekki hafið hernað á jörðu niðri.
Þá bætti hann við að sókn Ísraela á svæðinu yrðu „mistök“.
Netanjahú hefur fallist á beiðni Biden um að senda sendinefnd háttsettra ísraelskra embættismanna til Washington til að ræða áætlanir og mögulegar aðrar aðferðir fyrir Ísraela að ná markmiðum sínum. Þetta staðfesti Jake Sullivan, þjóðaröryggisráðgjafi forsetans.
Samband leiðtoganna tveggja hefur versnað
Að símtalinu loknu gaf Netanjahú út yfirlýsingu þar sem hann kvaðst hafa sagt Biden að Ísrael væri staðráðið í að ná markmiðum sínum á Gasa en jafnframt að veita nauðsynlega mannúðaraðstoð á svæðinu.
Netanjahú segir markmið Ísraels vera að útrýma Hamas, frelsa alla gísla og „tryggja að Gasa muni aldrei vera ógn við Ísrael“.
Ísrael stendur frammi fyrir miklum alþjóðlegum þrýstingi til að draga úr aðgerðum sínum á Gasa. Tæplega 32 þúsund manns hafa verið drepnir á Gasa síðan stríðið hófst að sögn yfirvalda á svæðinu.
Samband Biden og Netanjahú hefur versnað mikið undanfarna mánuði. Gremja innan Hvíta hússins hefur aukist verulega í kjölfar þess, sem bandarískir embættismenn segja, höfnun Netanjahú á ráðleggingum Bandaríkjanna um stríðið.
Í byrjun átakanna töluðu leiðtogarnir tveir saman daglega eða vikulega. Síðasta símtal þeirra fyrir daginn í dag var 15. febrúar.
Rothissa á vinnubrögðum forystu BÍ
Hvorki sést áður hér á landi né annars staðar
„Höfum ekki náð að skríða upp úr þeirri gryfju“
Þyngri refsing fyrir að nauðga stjúpdóttur æskuvinar
Forsetinn líti yfir axlirnar á þingheimi
Bergnuminn í Hvalfirði
Vonast til að tjaldbúðir við HÍ standi áfram
Krefjast stöðvunar framkvæmda