Fjórir létust og sjö særðust þegar rallökumaður fór út af brautinni í kappakstri í Ungverjalandi.
Slysið átti sér stað í ungversku rallkeppninni Esztergom Nyerges Rally sem fer fram um þessar mundir.
Lögregla á svæðinu kveðst ekki vita hvers vegna ökuþórinn fór út af brautinni.
Atvikið átti sér stað á milli borganna Labatlan og Bajot í norðurhluta Ungverjalands.
Keppnin var samstundis stöðvuð og málið er í rannsókn hjá lögreglunni.