Ákærður fyrir að aðstoða rússnesku leyniþjónustuna
Setja bókamerki
Breskur maður var í dag ákærður fyrir að aðstoða leyniþjónustu Rússlands. Maðurinn er sagður hafa viðkvæmar upplýsingar um þingmann.
Hinn 64 ára Howard Michael Phillips var á fimmtudag ákærður fyrir brot gegn 3. grein þjóðaröryggislaga Bretlands, að sögn lögreglunnar á höfuðborgarsvæði Lundúna.
Philips mætti fyrir dómstól í Lundúnum síðdegis í dag og tók til máls til að staðfesta heimilisfang sitt og fæðingardag. Breska dagblaðið Guardian greinir frá.
Sagður í samskiptum við erlend öfl
Saksóknarinn Mark Luckett sagði að Phillips hefði verið í samskiptum við einhverja „sem hann taldi vera erlend öfl“ og hefði haft viðkvæmar upplýsingar um þingmann.
Að sögn lögreglu var Phillips handtekinn í miðborg Lundúna 16. maí og ákærður viku síðar. Hann mætir fyrir dóm þann 14. júní.
Ákæran er hluti rannsókn á meintum brotum gegn hryðjuverkalöggjöf, að sögn lögreglunnar, sem bendir á að landið sem ákæran tengdist sé Rússland.
Í yfirlýsingu frá lögreglunni segir m.a.: „Handtakan tengist ekki öðrum nýlegum ákærum eða rannsóknum sem tengjast brotum þjóðaröryggislöggjöfinni og ekki er talið að almenningi standi nokkur ógn af þessu máli.“
Eldur í þaki Kringlunnar
„Er til bóta en búið að þynna það allt of mikið“
Helsta sóknarfærið í elstu hópunum
Segir nýja áætlun setja markið hátt
Töluverður reykur og vatn inni í Kringlunni
Kringlan verður lokuð í dag
Mikið tjón í Kringlunni