Pútín undirbýr ferð til N-Kóreu
Setja bókamerki
Heimsókn Vladimírs Pútíns, forseta Rússlands, til Norður-Kóreu er í undirbúningi að sögn Dmitrí Peskovs, talsmanns rússneskra stjórnvalda.
Bæði lönd hafa mátt þola þungar refsiaðgerðir af hálfu vestrænna ríkja en þau hafa færst nær saman eftir að Rússar hófu árás á Úkraínu í febrúar 2022.
Peskov segir í samtali við rússnesku ríkisfréttastofuna RIA Novosti að verið sé að undirbúa heimsóknina og dagsetning á henni verði tilkynnt þegar nær dregur.
Hafa útvegað Rússum vopn í stríðinu
Leyniþjónusta S-Kóreu segir að Norður-Kóreumenn hafi útvegað Rússum mikið magn af vopnum í stríðinu gegn Úkraínu í skiptum fyrir matvæli og ráðamenn í Bandaríkjunum og í Úkraínu hafa sakað Rússa um að skjóta N-kóreskum eldflaugum á Úkraínu.
Kim Jong Un, leiðtogi Norður-Kóreu heimsótti Rússland á síðasta ári en þar ræddi hann við Pútín í Vostochny-geimferðastöðunni. Umræðuefni leiðtoganna var hernaðarsamvinna þjóðanna.
Pútín heimsótti Norður-Kóreu síðast árið 2000, aðeins nokkrum mánuðum eftir að hann tók við völdum í Rússlandi. Þar fundaði hann við Kim Jong Il, föður Kim Jong Un.
Myndir: Mikið vatn á gólfum Kringlunnar
„Of algengt að við séum að fara í svona útköll“
Kringlan verður lokuð í dag
/frimg/1/45/84/1458405.jpg)
57 flugmönnum sagt upp hjá Icelandair
Vægast sagt ósanngjarnt að tala um ekkert samráð
„Þakklæti var þeim ofarlega í huga“
Allur tiltækur mannskapur sinnir slökkvistarfinu