Haglél olli skemmdum á farþegaflugvél frá Austrian Airlines þegar hún nálgaðist Vínarborg í gær.
Hluti af nefi vélarinnar brotnaði og þá urðu skemmdir á flugstjórnarklefanum. Eftir að flugstjórinn hafði gefið út neyðarkall lenti vélin heilu og höldnu á flugvellinum í Vínarborg. Hvorki farþega né áhöfn sakaði í atvikinu.
Vélin var að koma frá Palma á Mallorca á Spáni en flugfélagið gaf ekki upp hversu margir farþegar voru um borð í vélinni
Óveðrið sást ekki á veðurratsjá flugmannanna, að því er segir í yfirlýsingu sem flugfélagið sendi til AFP-fréttaveitunnar í dag.
Austrian Airlines A320 severely damaged by a hailstorm while on approach to Vienna Airport in Austria. Despite the damage to the aircraft's nose and windscreen the pilots landed safely. pic.twitter.com/AIa7aL9HEQ
— Breaking Aviation News & Videos (@aviationbrk) June 9, 2024