DV kaupir Krónikuna

Dagblaðið-Vísir útgáfufélag ehf. hefur í dag fest kaup á öllu hlutafé í útgáfufélagi vikuritsins Krónikunnar, Fréttum ehf. Krónikan mun eftir kaupin ekki koma út í núverandi mynd. Öllu starfsfólki Krónikunnar mun bjóðast vinna hjá DV.

Sigríður Dögg Auðunsdóttir, ritstjóri Króníkunnar, sagði aðspurð við mbl.is, í dag, að segja mætti að sú tilraun að gefa út vikublað sem byggði á fréttaskýringum hafi mistekist og að viðbrögð markaðarins hafi ekki verið þau, sem vonast var til.

Fram kemur í tilkynningu frá DV, að gengið hafi verið frá ráðningu Sigríður Daggar í starf umsjónarmanns helgarblaðs DV og Valdimars Birgissonar, framkvæmdastjóra Frétta, í starf markaðsstjóra og sölustjóra áskrifta.

Vikuritið Krónikan kom út í sjö vikur áður en það lagði upp laupana. Í Morgunblaðinu um miðjan febrúar kom fram að útgáfufélagið Fréttir ehf., var í eigu Sigríðar Daggar og eiginmanns hennar, Valdimars Birgissonar. Þar kom fram í viðtali við Sigríði Dögg að útgáfa Krónikunnar var fjármögnuð með lánsfé frá ýmsum fjársterkum aðilum, m.a. Björgólfi Guðmundssyni kaupsýslumanni.

Í fréttatilkynningu frá DV kemur fram að innan nokkurra vikna verði unnt að kaupa DV í áskrift alla útgáfudaga blaðsins en að undanförnu hefur aðeins verið hægt að kaupa helgaráskrift að blaðinu. Þá verði innan örfárra daga unnt að kaupa áskrift að DV á netinu.

• 9 blogg um fréttina

Bloggað um fréttina

• TómasHa: Eins og eldur um sinu
• Pétur Gunnarsson: Ég var áskrifandi að Króníkunni
• Magnús Helgi Björgvinsson: DV ætlar í samkeppni við Morgunblaðið
• G. Tómas Gunnarsson: Aldrei sá ég Krónikuna
• Hafsteinn Viðar Ásgeirsson: Þar sem er reykur....
• Snorri Bergz: Var þetta ekki bara trikk?
• Þorsteinn Gunnarsson: En hver kaupir upp Dagblaðið?
• Sigfús Sigurþórsson.: Krónikan búin að leggja upp laupana.
• Katrín Anna Guðmundsdóttir: Samúðarkveðjur