Geir nýtur mests trausts en Vilhjálmur minnst
Setja bókamerki
Geir H. Haarde, forsætisráðherra, nýtur mests trausts íslenskra stjórnmálamanna samkvæmt könnun, sem Fréttablaðið birtir í dag. Vilhjálmur Þ. Vilhjálmsson, formaður borgarráðs, nýtur minnsts trausts samkvæmt könnuninni.
40,7% nefndu Geir þegar þeir voru spurður til hvaða stjórnmálamanns þeir bæru mest traust. Eru þetta ívið fleiri en nefndu Geir í samskonar könnun blaðsins fyrir ári. 16,3% nefndu Ingibjörgu Sólrúnu Gísladóttur, utanríkisráðherra, einnig fleiri en fyrir ári. 9,1% nefndu Steingrím J. Sigfússon, formann VG, talsvert færri en fyrir ári. Næst komu Jóhanna Sigurðardóttir, félagsmálaráðherra, 6,9%, Össur Skarphéðinsson, iðnaðarráðherra, 4,4% og Dagur B. Eggertsson, borgarfulltrúi, 4%.
Þegar þátttakendur voru beðnir að nefna þá stjórnmálamenn sem þeir bæru minnst traust til nefndu 29,1% Vilhjálm Þ. Vilhjálmsson, 18,5% Össur Skarphéðinsson, 9% Árna M. Mathiesen, fjármálaráðherra, 5,6% Ólaf F. Magnússon, borgarstjóra, og 4,3% Geir H. Haarde og Ingibjörgu Sólrúnu Gísladóttur.
Könnunin var gerð á laugardag og var hringt í 800 manns. 62% tóku afstöðu til spurningarinnar um mest traust og 55,4% til spurningar um minnst traust.
Sáttur við sína stöðu og finnur fyrir meðbyr
Baldur: „Ég ætla að svara þessu kalli“
Moses Hightower og Prins Póló gefa út eyjalag
Bifreið ekið á skrifstofu Útlendingastofnunar
Myndskeið: „Fólk var komið ískyggilega nálægt“
Áköf mótmæli í bandarískum háskólum
Tæknideild komin norður vegna andlátsins
Íslendingar ein mest einmana þjóð heims