Tíðinda að vænta í vikunni

Þingmenn Borgarahreyfingarinnar, sem funduðu í hádeginu í dag, hafa enn ekki ákveðið hvort áframhald verði á samstarfi þeirra við hreyfinguna. „Við ætlum að anda með nefinu og skoða þetta mál ennþá betur,“ segir Margrét Tryggvadóttir þingmaður.

„Það er hins vegar tíðinda að vænta einhvern tíma í vikunni,“ bætir Margrét við.

Þingmenn Borgarahreyfingarinnar, þau Margrét Tryggvadóttir, Birgitta Jónsdóttir og Þór Saari, sendu frá sér yfirlýsingu í gær þar sem þeir sögðu að hreyfingunni hefði verið breytt í miðstýrðan stjórnmálaflokk. 

Kváðust þingmennirnir ætla að taka sér þann tíma sem þyrfti til þess að ákveða með yfirveguðum hætti hvort og þá hvernig þeir sæju sér fært að starfa áfram með Borgarahreyfingunni.

• 2 blogg um fréttina

Bloggað um fréttina

• Jóhannes Ragnarsson: Með hvaða líkamsparti er Margrét vön að anda?
• Sigurborg Kristín Hannesdóttir: Það tekur tíma að byggja upp traust