Hanna Birna ætlar ekki í varaformanninn

Hanna Birna Kristjánsdóttir.
Hanna Birna Kristjánsdóttir. mbl.is/hag

Hanna Birna Kristjánsdóttir borgarstjóri ætlar ekki að gefa kost á sér í embætti varaformanns Sjálfstæðisflokksins á komandi landsfundi.

Eins og Morgunblaðið hefur greint frá var talið ólíklegt að Hanna Birna sæktist eftir embætti varaformanns. Hún hefur nú staðfest það, að því er greint var frá í fréttum Stöðvar 2.

Ólöf Nordal þingmaður er sú eina sem hefur gefið kost á sér til embættis varaformanns.

Ragnheiður Elín Árnadóttir þingmaður hefur sagst vera að íhuga framboð.

mbl.is